Modelo sa Tekstong akademiko Tungo sa Intelektuwalisasyon ng Wikang Pilipino / Bustamante, Maricel Naguit.

Includes bibliographical references.

Ang pag-aaral na ito ay sumuri sa preferensyang modelo sa tekstong akademiko sa iba't ibang disiplina gaya ng Kolehiyo ng Narsing, Edukasyon, Inhenyerya, CICT sikolohiya at Hotel at Restawran, Taong Pampanuruan 2011-2012. Isinagawa and pananaliksik sa iba't ibang kampus ng Bataan Peninsula State University kung saan ang mga mag-aaral ay kumuha ng Sikolohiya. Inalam sa pag-aaral na ito ang preferensyang modelo ng mga mag-aaral sa apat na disiplina. Ang mga modelo ay nagtataglay ng mga terminolohiyang karaniwang ginagamit sa bawat disiplinang nabanggit. Matapos na basahin ang modelo may laang katanungan na pinasagutan sa mga mag-aaral at guro na sangkot sa pag-aaral. Inalam sa pag-aaral na to ang profayl o sariling salik na mag-aaral gaya ng mga kasarian at kurso. Gayundin, ang profayl ng mga guro, gaya ng antas ng edukasyon, kasanayan (medyor o maynor) atwikang ginagamit sa pagtuturo (Wikang Panturo) gaya ng Modelo A, Modelo B, Modelo C at Modelo D. Tinutukoy din sa pag aaral na ito kung paanong ang mga salik sa nabanggit ay nakaapekto sa preferensyang modelo sa apat na disiplina tungo sa intelektwalisasyon ng wika. Ang mga respondent ng pag-aaral na ito ay ang mga gurong nagtuturo ng mga Filipino sa iba't ibang kampus ng Bataan Peninsula State University tulad ng Bagac, Dinalupihan, Orani, Abucay, Balanga at ang Main, kasama ang dalawangpung bahagdan (20%) ng kanilang mga estudyante. Ang labingpitong (17) guro at ang dalawampung bahagdan (20%) ng kanilang tinuturuan ay binigyan ng mg pahayag na pasulat sa wikang Filipino na batay sa apat na modelo. Modelo A - saling-likas, Modelo B -saling-hiram, Modelo C -saling-angkat at Modelo D o taglish at enggalog. Batay sa mga nabuong konklusyon, ang mga sumusunod na rekomendasyon ay iminumungkahi: Ilantad ang mga mag-aaral sa iba't ibang uri ng mga akademikong babasahin gaya ng libro at journal na nglalayong linangin ang mga kagalingan sa wika ng mga mag-aaral. Ang mga babasahing ito ay mangyaring nakaantabay at ginagamit sa loob ng silid-aralan sa mga pagaaral ng wika. Hikayatin ang mga guro sa wiakng Filipino na dumalo sa mga seminar at treyning na nauukol sa mga pagbabago sa ortograpiya at alpabetong Filipino tungo sa intelektwalisasyon ng wika upang ang mga kasanayang ito ay maituro sa mga mag-aaral ng wikang Filipino. Ihanda ang mga magaaral at guro sa patugon ng pagharap ng wikang Filipino sa hamong gamitin reporma sa alpabeto mula sa 1976 hanggang 1987 at 2001 bilang proseso ng pagmomodernisasyon ng wika. Ang konbinienteng panghihiram ay magpapabilis at magpapasigla sa paggamit ng banyagang wika. Magbalik-aral ang mga guro sa patakaran ng bilinggwalismo upang magamit nila ng maayos ang polisiyang ito sa kanilang pagtuturo sa loob ng paaralan batay sa umiiral na trend sa edukasyon. Hikayatin ang mga guro na gumawa ng mga modelong babasahin sa wikang Filipino na dumadaan sa siyentipikong pamamaraan ng pagbubuo at pagsusulat gaya ng mabusising pagtugaygay at pagsunod sa mga instandardisadong patakaran ng panghihiram at paggamit ng banyang wika. Ipabalido ang mga modelong ito at paunlarin pang lalo base sa resulta ng balidasyon bago tuluyang gamitin sa pagtuturo. Magsasagawa ng katulad na pagaaral sa iba't ibang rehiyon at institusyon upang mabatid ang pagkakatulad at pagkakaiba ng magiging resulta ng ganitong pananaliksik.