Pamamahala sa pagtuturo ng Filipino sa mga piling paaralan ng senior high school sa Pampanga / [manuscript] Lyra Jane A. Solomon

Thesis (MAED-FIL) BPSU, 2018.

Ang pag-aaral na ito ay ukol sa Pamamahala sa Pagtuturo ng Filipino sa mga Piling Paaralan ng Senior High School sa Pampanga. Taong Panuruan 2014-2015. Ang mga respondente ng pag-aaral na ito ay nasa guro sa Filipino na binubuo ng dalawampu't pito (27) gamit ang non- probability sampling na purposive sampling technique Sa pangangalap ng mga datos, ang mananaliksik ay gumamit ng talatanungan o sarbey kwestyoner, hinango ng mananaliksik ang katanungan sa mga nasaliksik na naunang pag-aaral, ngunit dahil ang ikalawang bahagi ng sarbey-kwestiyoner na pasilidad sa pamamahala sa pagtuturo ng Filipino ay kinapapalooban ng availabiliti (availability), adekwasi (adequacy), at usabiliti (usability) kaya naman inayos ng mananaliksik ang nakitang sarbey-kwestyoner na ginamit mula sa naunang pag-aaral at nakabuo ng inisyal na kopya ng mga katanungan, upang matiyak ang relayabiliti (reliability) nito, nagsagawa ng paunang pagpapasagot sa mga guro sa Filipino na hindi kabilang sa mga respondente at ginamit ang Cronbach's Alpha na may 0.96 na resulta na may katumbas na interpretasyon na ekselent (excellent) , ang ikatlong bahagi ng sarbey-kwestyoner tungkol sa pamamahala sa pagtuturo ng Filipino ay hinango sa instrumentong ginagamit sa pagmamasid sa mga guro sa loob ng silid-aralan mula sa Instructional Supervision Handbook ng Department of Education (DepEd) na inilabas noong Hunyo 2, 2010.. Nagsagawa rin ng tatlong beses na balidasyon sa talatanungan. Batay sa mga findings ng pag-aaral, nabatid na ang hinuha na walang mahalagang kaugnayan ang tagal sa serbisyo ng guro, paggamit ng silid-aklatan at ICT Room sa pamamahala sa pagtuturo ng Filipino ay tinatanggihan sapagkat sa tagal sa serbisyo ng guro ay lumabas na makabuluhan sa 0.1 lebel o katumbas sa siyamnapung porisyento ng level of confidence.Sa paggamit ng silid-aklatan sa pamamahala sa pagtuturo ng Filipino, habang ang mga guro ay tumataas ang porsiyento ng paggamit ng silid-aklatan ang antas ng kalidad ng pagtuturo ng Filipino ay tumataas din. Sa paggamit ng ICT Room sa pamamahala sa pagtuturo ng Filipino, habang ang mga guro ay tumataas ang porsiyento ng paggamit ng ICT room ang antas ng kalidad ng pagtuturo ng Filipino ay tumataas din.